Бүгін — дүниежүзілік еріктілер күні

Бүгін — дүниежүзілік еріктілер күні. Мереке қарсаңында маңғыстаулық волонтерлар да жұмысын қорытындылады. Биыл олар 200-ге жуық отбасы мен 100-ден астам жалғызбасты анаға көмектескен. Белсенді жастар оларды азық-түлікпен, киім-кешек және оқу құралдарымен қамтамасыз етті. Ал қариялар мен мүмкіндігі шектеулі жандардың үйін тазалап қолғабыс көрсетті. Одан бөлек, еріктілер «Жүрегі толы мейірім» жобасы аясында халықаралық, республикалық деңгейдегі шараларға атсалысқан. Мәселен, Арыс қаласындағы төтенше жағдайдан кейін тұрғындарға гуманитарлық көмек жіберген. Қазір өңірде қоғамдық шараларға белсене араласатын жастардың саны 300-ге жетті.