Солтүстік Кореяда жаңа қала бой көтерді - «Qazaqstan» Ұлттық телеарнасы

Солтүстік Кореяда жаңа қала бой көтерді

04.12.2019

Ел билігі оны «Заманауи өркениеттің үлгісі» деп атады. 

Самчжийон қаласының салтанатты ашылу рәсіміне Солтүстік Корея лидері Ким Чен Ын қатысты. 4 мың отбасына арналған шаһарда жаңа ғимараттар, қонақүйлер, тау-шаңғы курорты, стадион, мәдени және медициналық орталықтар бар. 

Қала құрылысы екі жыл бұрын басталған. Алайда ядролық бағдарлама үшін Пхеньянға салынған санкциялардан жұмыс біраз тұралап қалды. Елдімекен халық арасында қасиетті саналатын Пэктусан тауының баурайында орналасқан. Ресми деректерге сәйкес, сол жерде мемлекет басшысының әкесі Ким Чен Ир дүниеге келген. Сондықтан билік мұндай тарихы бар қаладан үлкен үміт күтіп отыр. 

Жансая ҚАПАСҚЫЗЫ

Хабарламаларға жазылу