Теңізден 149 мигрант құтқарылды - «Qazaqstan» Ұлттық телеарнасы

Теңізден 149 мигрант құтқарылды

25.11.2019

Италияның Лампедуза аралы маңында мигранттар қайығы аударылып, теңізден 7 мәйіт табылды. Жағалау күзеті су көлігінен 149 адамды құтқарып қалған. Босқындардың айтуынша, апаттан 20 шақты адам жоғалған. Оларды іздестіру жұмыстары әлі жүріп жатыр. 

Қазір Италия прокуратурасы «кісі өлімі» және «заңсыз миграциямен айналысу» істері бойынша қылмыстық іс қозғады.

Соңғы уақытта Еуропаға ағылған заңсыз мигранттар саны артып келеді. Көші-қон жөніндегі Халықаралық ұйымның дерегінше, биыл жыл басынан бері Жерорта теңізі арқылы «Қарт құрлыққа» 90 мыңдай босқын барған. Олардың мыңнан астамы жолда мерт болды немесе із-түссіз жоғалып кеткен.

Жансая Қапасқызы

Хабарламаларға жазылу