Бала өліміне кінәлі дәрігерлердің үстінен қылмыстық іс қозғалды

Ақтөбеде 5 жастағы қыздың өліміне қатысты «Медицина қызметкерiнiң кәсiптік мiндеттерiн тиiсiнше орындамауы» бабы бойынша қылмыстық іс қозғалды. Диагнозын қоя алмай, емдеу мекемелерінің ортасында уақыт жоғалтып көз жұмған қыздың әкесі бүгін облыстық әкімдікке барған. Ол дәрігерлерге жаза қолданылуын талап етті. 

Денсаулық сақтау басқармасы басшысының орынбасары Светлана Есенаманованың айтуынша, комиссияның алдын ала қорытындылары белгілі. Мамандар тарапынан қателік кеткен. Яғни, ақ халаттылар бір-біріне сілтеп, көп уақыт жоғалтқанын мойындап отыр. Медицина қызметкерлеріне тәртіптік жаза қолданылған.

Жақсыбек Кемал