Бюджет қаржысы сауатты жұмсалуы тиіс

04.02.2017
«Бюджеттің әр тиынын үнемдеңдер». Кеше Үкіметті түгел жинап, кеңес өткізген Президент бюджеттің миллиардтарын тиімсіз жұмсаған шенеуніктерге қатаң ескерту жасады. Мемлекеттік қызметкер халыққа қызмет етеді. Демек, қазына қаражатын үнемдеп, сауатты жұмсауы тиіс.

Алайда, атқамінерлер бюджеттің ақшасын ұқсата алмай жатыр деген Нұрсұлтан Назарбаев бір ғана мысал келтірді: Қазақстандағы кез келген құрылысқа пайдаланылатын материалдардың 60 пайызы импорт.

«Керек-жарақ, құрал-жабдық, жиһаздар бізде де өндіріледі, бірақ, 10 есе қымбат бағамен сырттан тасымалданады. Бұл – бюджет қаржысын оңды-солды шашу емей немене?»,- деген Елбасы, үнемдеу үлгісі ретінде ЭКСПО құрылысын тілге тиек етті.

Армангүл ТОҚТАМҰРАТ

Хабарламаларға жазылу