Жаңалықтарды Telegram арнамыздан оқыңыз!Ақтөбеден 40 шақырым жерде бұрынғы химиктер қаласы, фосфориттер өндірісінің ірі ошағы болған Алға қаласы тұр. Соңғы 20 жылда «елеске» айналған қала. Себебін тәптіштеп түсіндіру артық – советтік өндіріс ошақтарының «опырыла құлағаны» бұл бір емес.
Ал біздің уақытта тоғыз жолдың торабында тұрғандықтан ірі логистикалық орталыққа айналуына әлеуеті жетеді. Бірақ айнала алмай отыр. Себебі кәсіпорын аумағында 730 мың тоннадан астам зиянды қалдық, сонымен бірге зауыттан шыққан қалдықтар құйылған екі шлам жинағышта 26 миллион тоннадан астам улы зат жатыр. Адам денсаулығына, табиғатқа зияны туралы айту артық. Проблеманы шешуге арналған құны 8 миллиардқа жуық теңгенің жоспары 2 жыл бұрын қабылданса да іске аспай отыр.
Жақсыбек КЕМАЛ
