Жаңалықтарды Telegram арнамыздан оқыңыз!Чилиде жүздеген мың адам бірнеше күннен бері наразылық акцияларына шығып, оның соңы қақтығыстарға ұласты. Соның салдарынан 8 адам қаза тапты. Шерулер қоғамдық көлік жолақысының өсуіне байланысты бейбіт басталған. Енді халық денсаулық сақтау, білім жүйесіндегі бағаны төмендетіп, зейнетақыны арттыруды талап етіп жатыр.
Демонстранттар полициямен қақтығыстан кейін, сауда үйлерін өртеп, көшелерді бөгеді. Қараусыз қалған дүкендерден заттар тоналып жатыр. Жаппай тәртіпсіздіктерді тоқтату үшін полиция су атқыштар мен көз жасаурататын газ қолдануға мәжбүр.
Қазір наразылық акциялары ел астанасы Сантьягомен қатар, тағы бірнеше қалада өтуде. Жағдайдың ушығуына байланысты билік елде төтенше жағдай жариялады.
Жансая Қапасқызы
