АҚШ пен Түркия операцияны тоқтату туралы келісімге қарамастан, шабуылдар жалғасуда - «Qazaqstan» Ұлттық телеарнасы

АҚШ пен Түркия операцияны тоқтату туралы келісімге қарамастан, шабуылдар жалғасуда

18.10.2019

Түркия әскери операцияны тоқтатуға келіссе де, Сирияның солтүстігінде атыс жалғасып жатыр. Вашингтон мен Анкара бұл науқанды доғарып, күрд отрядтарын Түркия шекарасынан алыстатуға өткен тәулікте уағдаласты.

Алайда бүгін түскен мәліметке қарағанда, Сирияның Рас әл-Айн қаласы маңында зеңбірек атылып, түтін көтеріліп жатыр.

Егер аталған келісім орындалатын болса, түрік әскері араб республикасының аумағына 30 шақырым бойлай еніп, ауқымды территорияны өз бақылауына алады. Және де күрд жасақтарынан тазартылуы тиіс сол аймаққа кезінде Түркияға қашқан миллиондаған босқынды қайтару жоспарланып отыр.

Арыстан РЫСБЕК


Хабарламаларға жазылу