Жаңалықтарды Telegram арнамыздан оқыңыз!Елімізде жасанды ұрықтандыру арқылы дүниеге келген келіншек ана атанды. Бұл - біздің елдегі экстрокорпоральды ұрықтандыру саласындағы бірінші жағдай.
Сәбиді бүгін туыстары Алматыдағы №1 қалалық перзентханадан сән-салтанатпен шығарып алды. Дәрігерлердің айтуынша, баланың жағдайы жақсы. Туған кезде салмағы 3,2 келі болған.
Олеся Шин осыдан 22 жыл бұрын жасанды ұрықтандыру арқылы дүниеге келген. Анасы 3 жыл құрсақ көтере алмай, мамандардың көмегіне жүгінген. Осылай өмір есігін ашқан қыз тұрмыс құрғаннан кейін табиғи жолмен жүкті болып, шекесі торсықтай ұл босанды.
Олеся Шин, қала тұрғыны:
Денсаулығымыз жақсы. Бақыттымын. Көп рақмет.
Аманкелді Сейітхан
