Жаңалықтарды Telegram арнамыздан оқыңыз!Иракта қауіпсіздік күштері мен шерушілер арасындағы қақтығыстан кемінде 110 адам қаза тапты. Солардың 15-і өткен тәулікте мерт болған. Ал, жараланғандар саны 6 мыңнан асып отыр. Құрбандардың сегізі - полиция қызметкерлері.
Тәртіп сақшылары демонстранттарды тарату үшін шын оқ атты. Бұған ашынған жастар шеруді тіпті өршітіп, коррупцияға, жұмыссыздыққа, ауыз су мен жарықтың тапшылығына наразылық білдіріп жатыр. Осыған орай премьер-министр Әбдул Махди мәлімдеме жасап, шерушілермен бетпе-бет кездесіп, олардың мұң-мұқтажын қарусыз тыңдауға уәде берді.
Билікке қарсылық акциялары оңтүстіктегі шииттер мекендейтін қалаларға да тарады. Ал, шиттердің рухани жетекшісі – Аятолла Әли әс-Систани үкімет пен манифестанттарды зорлық-зомбылықты тоқтатуға шақырды.
Арыстан РЫСБЕК
