Тұрсынбай Құлахмет ел қоржынына кезекті жүлдені салды

75 келі салмақ дәрежесінде жұдырықтасатын Тұрсынбай Құлахмет Ресейде өтіп жатқан Әлем біріншілігінің қола жүлдесіне ие болды. Жартылай финалда филиппин спортшысы Эумир Марсиальдан айласын асыра алмады. 

Алғашқы раундтағы нокдаун отандасымыздың еркін қимылдауына кедергі жасады. Соңғы кезеңде қазақ боксшысы ширақ қимылдап, қарсыласына бірнеше ауыр соққы дарытты. Төрешілер жеңісті бір ауыздан филиппин боксшысына берді.