Қазақстандағы сыбайлас жемқорлықты зерттеу нәтижелері туралы жиын өтті

12.09.2019

Қазақстанда ветеренария саласындағы жемқорлық өршіп кетті. Былтырғымен салыстырғанда 1,5 есеге көбейген. Әсересе жалған анықтама қағаздарын жасау кеңінен таралған. Бұл туралы Сыбайлас жемқорлыққа қарсы іс-қимыл агенттігінде өткен баспасөз мәслихаты кезінде мәлім болды. Сойылған мал ешқандай аурумен ауырмайды деп жазып бергені үшін мамандар 3 мыңнан 20 мың теңгеге дейін сыйақы алып келген. Тексерістен өтпеген малдың етінен түрлі аурулар табылған кездер де тіркеліпті.

Арман Бердалин, Ақмола облыстық сыбайлас жемқорлыққа қарсы іс-қимыл департаменті директорының бірінші орынбасары: 

Базарға келіп, еттің барлығы қажетті ветеренариялық тексерістен өтпейтіндігі, әрі қарай халыққа еш бөгетсіз таралатыны анықталды. Ақмола облысы Аршалы ауданы ауылдарының бірінде малдарды сою кезінде сібір жарасы анықталып, осы ауылдың 4 тұрғыны осынау қауіпті дертке шалдыққан.

Оңғар АЛПЫСБАЙ


Хабарламаларға жазылу