Президент бірқатар мемлекеттердің елшілерінен сенім грамоталарын қабылдады

03.09.2019
 Бүгін Мемлекет басшысы Қазақстандағы төтенше және өкілетті елші міндетін қоса атқаратын бірқатар мемлекеттің дипломатиялық өкілдерінен сенім грамоталарын қабылдады. Ақордада өткен салтанатты шарада Гана, Гватемала, Дания Корольдігі, Зимбабве, Молдова, Сан-Марино, Словения, Черногория, Біріккен Танзания Республикасы және Фиджи Республикасының елшілері Қасым-Жомарт Тоқаевқа сенім грамоталарын тапсырды. Президент дипломатиялық корпус өкілдеріне саяси диалог пен сауда-экономикалық ынтымақтастықты одан әрі дамытуға әзір екенін мәлімдеп, елшілердің жұмысына табыс тіледі. Сондай-ақ аталған мемлекеттердің басшыларына сәлемін жолдады.  

Дулат АБИБУЛЛАЕВ

Хабарламаларға жазылу