Елордада қылмыс саны азайған

Ел астанасында қылмыс деңгейі азайып келеді. Бұл туралы Нұр-Сұлтан қаласының әкімі Алтай Көлгінов Президент Жолдауын талқылауға арналған қала активінің кездесуінде мәлімдеді.

«Елордада оң нәтиже байқалады. Жыл басынан бері қылмыстың тіркелу деңгейі айтарлықтай төмендеген, ал көшедегі қылмыстар саны 41 пайызға азайған. Бұл – елге ант берген погондағы адамдардың үлкен жұмысы. Бұл – құқық қорғау органдарының еңбегі. Сегіз айда бұзақылық - 2 есеге, зорлық-зомбылық – 15 пайызға, адам өлтіру – 32 пайызға, денсаулыққа ауыр зардап келтіру 17 пайызға азайған», - деді қала әкімі.