Жаңалықтарды Telegram арнамыздан оқыңыз!Қазақстан мұсылмандары діни басқармасының төрағасы, Бас мүфти Серікбай қажы Ораз еліміздегі маңызды діни мереке Құрбан айтта атқарылған ізгі іс-шараларға ақпараттық қолдау көрсеткені үшін «Qazaqstan» Ұлттық арнасына алғыс білдірді.
«Исі мұсылманның ұлық мейрамы – Құрбан айтта атқарылған ізгі іс-шараларға ақпараттық қолдау көрсетіп, мерейлі мерекенің мәні мен маңызын насихаттауға сүбелі үлес қосқандарыңыз үшін сіздерге айрықша алғысым мен риясыз ризашылығымды жеткіземін.Халықтың қамы, еліміздің болашағы жолындағы істеріңіз берекелі болсын», - делінген Бас мүфтидің жолдаған хатында.
Осы орайда, күзгі телемаусымда «Qazaqstan» Ұлттық арнасының эфирінен дін мен дәстүр сабақтастығын насихаттауға бағытталған «Иман өзегі» атты жаңа жоба шығатынын хабарлаймыз.
