Алдағы 2018 жылға «Қазақстан» РТРК» АҚ сериалдық өнім шығару мақсатында жариялаған жобалық /сценарлық/ идеяларға байқау жалғасады.
Төмендегі тақырыптық бағыттар бойынша тапсырыстар қабылданады: отбасылық құндылықтар, махаббат, бала тәрбиесі, белсенді азаматтық көзқарас, тарихи тұлғалар және рухани - адамгершілікті жаңғырту /«Рухани Жаңғыру» мемлекеттік бағдарламасының аясында/, Астананың 20 жылдығы және басқа да қоғамдағы маңызды оқиғалар.
Конкурсқа қатысу үшін ықтимал орындаушы арнайы синопсис жолдайды /көлемі 2 беттен кем емес, шриф Times New Roman, өлшемі-12, қазақ-орыс тілдерінде/.
Сонымен қатар, концепция ауқымы қамтуы керек: болашақ сериалдың атауы, мақсаты мен міндеті, көлемі /ұзақтығы және сериясының саны/, жанры, шамамен сметалық шығыны, техникалық жағдайы, мамандарының біліктілік құрамы.
Ұсыныстарды қарау барысында осы тектес өндірісте тәжірибесі бар компанияларға басымдық беріледі.
Байқау үш кезеңмен өтеді:
- кезең: Талапқа сай келетін өтініштерді бастапқы қабылдау;
- кезең: Сарапшылар комиссиясының өтініштерді іріктеуі.
- кезең: Көркемдік кеңесте іріктелген өтініштерді қарау және жеңімпаздарды анықтау.
Өтініштер 2017 жылғы 25 желтоқсанға дейін kaztrk@kaztrk.kz электронды мекенжайы бойынша қабылданады.