Жаңалықтарды Telegram арнамыздан оқыңыз!Осы айда «Qazaqstan» Ұлттық телеарнасы эфирге түріктің «Ана» телехикаясын ұсынған болатын. Жаңа туындының басталуына орай көрермендер арасында байқау жарияланып, ұтысқа «Hisense Led TV» теледидары ұсынылды. Екінші орын – смартфон, үшінші орын – ас үйге арналған ет турағыш құрылғы.
Байқау шарты бойынша Instagram желісінде телехикая бөлімдері бойынша сауалдар жолданып, пікірлер қабылданды. Оған еліміздің түкпір-түкпіріндегі көрермендер атсалысты.
Барлық сұраққа дұрыс әрі алғашқы болып жауап берген қатысушы – Әнел Байжанова (@anelyab). Жеңімпазға сыйлық алдағы уақытта «Таңшолпан» студиясында табысталатын болады. Кездейсоқ сандар генераторы арқылы анықталған жүлдегерлердің (@aps___db, @zhazira_720) сыйлығы пошта арқылы жолданады.
Байқауға атсалысқан барлық көрерменге алғысымызды білдіреміз.
