Жаңалықтарды Telegram арнамыздан оқыңыз!Жыл соңына дейін Қазақстанда «Е-шаңырақ» электронды платформасы іске қосылады. Оның аясында электронды форматта ПИК шығындары қадағаланатын болады.
Бұл туралы Үкіметте өткен баспасөз мәслихатында ҚР ИДМ құрылыс және тұрғын үй-коммуналдық шаруашылығы істері комитетінің төрағасы Мархабат Жайымбетов хабарлады.
Жүйенің басты мақсаты – шығындарды бекіту, қаражаттарды жұмсау мәселелерінде ПИК қызметінің ашықтығын, айқындығын қамтамасыз ету, сондай-ақ басқарушы ПИК таңдауды әлдеқайда ашық ету.
«Қазір біз Ақпарат және коммуникациялар министрлігі жәнк «Зерде» компаниясымен бірге жұмыс істеп жатырмыз. Бұл - өте маңызды мәселе. Жыл соңына қарай жоба пилоттық режимде іске қосылады», — деді Мархабат Жайымбетов.
Жоба авторлары электронды платформаны іске қосқаннан кейін ПИК жұмысы мен тұрғын үй қатынастарының көп жылдық мәселелері шешілетіндігін айтады.
primeminister.kz
