«Әйел бақыты». Жүкті әйелдерге қажет дәрумендер туралы не білесіз? (ВИДЕО)

Жүктілік – әйел құрсағындағы ұрықтың пайда болуы.

I-триместр – 1-13 апта арасындағы қандағы «В9» дәруменінің мөлшерін қадағалау қажет. Өйткені, фолий қышқылы нәрестенің ми жүйесінің дамуына қатысады. Жүктіліктің алдында бір ай бұрын дәріханадан фолий қышқылын алып, ішу қажет.

I-триместр - ең қауіпті кезең. Себебі, нәрестенің барлық ағзалары түзеледі. Сондықтан, қатты күйзеліске ұшырамай, тұмаумен ауырмай, суық тиюден сақ болу керек.

II-триместр - 14-27 апта. Бұл кезде йодқа бай тағам қажет. Не үшін? Йод баланың сүйек қаңқасының дұрыс жетілуіне және ми жұмысының жетілуіне қатысады.

III-триместр – 27-40 апта. Бұл кезде темірге бай тағамдарды пайдалану қажет. Бұл анемияның алдын алып, құрсақтағы баланың дұрыс жетілуіне, туу мен болашақ ананың босану әлсіздігінің алдын алады.

Ең маңызды дәруменнің бірі – «Д» дәрумені. Ол - нәрестедегі рахиттің алдын алып, сүйек қаңқасының дұрыс жетулуіне ықпалын тигізеді.