Айқын Төлепбергеннің «Мәңгілік ел - Қазақстан» атты концертін көріңіз

Елімізге танымал жас әншілерінің бірі Айқын Төлепберген бүгінде тыңдарманын тапқан өнерпаз. «Superstar.kz» мегажобасында алғаш рет үлкен сахнаға шығып,  көпшілікке таныла бастады. Кейін тележүргізушілік қырымен де көрінді.

Әншінің «Пах-пах», «Алтыным», «Ерке қыз» «Ең алғашқы»  сынды әндері халықтың көңілінен шығып, шетінен хит болған туындылар.

Осыдан біраз уақыт бұрын әншінің «Мәңгілік ел - Қазақстан» атты шығармашылық концертінде Айқынның сахнадағы 12 жыл ішінде орындаған әндерінің үздіктері халық назарына ұсынылды.

Бүгін Ұлттық арнадан сағат 17:40-та  «Мәңгілік ел - Қазақстан» концертін тамашалай аласыздар.