Жаңалықтарды Telegram арнамыздан оқыңыз!Павлодарда Қазақстан халқы Ассамблеясының филиалы Қымызмұрындық мерекесіне орай 12 киіз үй тігіп, тұрғындарды қымызбен қарсы алатын болады, деп хабарлайды pavlodarnews.kz.
Мерекелік шара қалалық мәдениет саябағында 4 маусым күні сағат 11.00-де басталады.
«Бұл күні қазақ ұлттық қолөнерінің көрмесі ұйымдастырылып, қолөнершілердің бұйымдары қойылатын болады. Мереке күні барлық қала тұрғындарына есігіміз ашық. Айта кетерлігі, кез келген тұрғын далада әзірленетін ыстық бауырсақтан дәм тата алады. Жалпы, мерекеге орай бір тонна қымыз дайындалуда», - деді «Қоғамдық келісім» ММ медиаорталығының басшысы Мақсат Айтпаев.
