Украинада қарттар үйі өртеніп, 17 адам қаза тапты - «Qazaqstan» Ұлттық телеарнасы

Украинада қарттар үйі өртеніп, 17 адам қаза тапты

29.05.2016
Украинада қарттар үйі өртеніп,  17 адам қаза тапты

Украинаның Киев облысында қарттар үйі өртенді. 17 адам қаза тапты, деп хабарлайды елдің төтенше жағдайлар бойынша облыстық басқармасы.

Украинаның құтқару қызметінің басшысы Николай Чечеткин 16 мәйіт үйінділер астынан шығарылғанын, тағы біреуін алып шығу керек екенін айтты. Жапа шеккен тағы бес адам түрлі дәрежедегі күйіктермен ауруханаға жеткізілді.

Жексенбіге қараған түні Броварский ауданы Леточки ауылындағы екі қабатты жеке үй отқа оранды. Өрт туралы хабар түнгі сағат 3:48-де түсті. Үйде қарт адамдар уақытша тұрып жатқан. Қызыл жалын барлық ғимаратқа тарады. Суреттерге қарағанда, ғимарат іші біраз зақымданып, шатырдың кей бөліктері құлаған.

Алдын ала ақпарат бойынша, үйде 35 адам болған. 

ҚазАқпарат

Хабарламаларға жазылу