Сенегал президенті Маки Салл Павлодардағы Қазақстан электролиз зауытына барды

Сенегал Республикасының Президенті Маки Салл Павлодар қаласындағы «Қазақстан электролиз зауыты» АҚ-на барды, деп хабарлады кәсіпорынның баспасөз қызметі. Мәртебелі мейманды облыс әкімі Болат Бақауов пен «ERGS.a.r.l» басқарма төрағасы Александр Машкевич, алюминий және электролиз зауытының басшылары күтіп алды.

Сенегал басшысы Қазақстанда «қанатты» метал шығаратын алғашқы кәсіпорында өндірістің технологиялық процесімен танысты. Цех жұмысымен танысқаннан кейін Маки Салл мен А.Машкевич кәсіпорын металлургтері саяжолында көшет отырғызды.

Айта кету керек, мұнда ҚЭЗ-дың еңбек және Ауған соғысы ардагерлері, жастар кеңесі, сондай-ақ, зауыттың барлық бөлімшелері отырғызған ағаштар жайқалып тұр.