Жаңалықтарды Telegram арнамыздан оқыңыз!Г.Н.Потанин атындағы Павлодар облыстық тарихи-өлкетану музейінде 17-мамыр күні Музей түні өтеді, деп хабарлайды pavlodarnews.kz. Бұл туралы музей директоры Гүлжанат Әлиева мәлім етті.
«Былтыр Музей түнін өткізу үшін Ленин көшесі уақытша жабылған. Өкінішке орай, биыл бұл көшедегі көлік қозғалысына шектеу қойылмайды. Себебі осы бағытта маршруттық автобустар қатынайды. «Тарихтың жанды парақтары» шарасы кешкі сағат алтыда басталады да бес сағатқа созылады. Қонақтардың назарына театрландырылған экскурсия ұсынылады. Тарихи оқиғаларға қатысқан атақты тұлғалардың бейнелері сомдалып, музейдегі жәдігерлер жаңа қырынан көрсетіледі, - деді Г. Әлиева.
