ҚТҚ: Төлқұжаттарында ЖСН жазылмаған қазақстандықтар шекарадан өткізілмейді - «Qazaqstan» Ұлттық телеарнасы

ҚТҚ: Төлқұжаттарында ЖСН жазылмаған қазақстандықтар шекарадан өткізілмейді

05.05.2016
ҚТҚ: Төлқұжаттарында ЖСН жазылмаған қазақстандықтар шекарадан өткізілмейді

«Азаматтардың ҚР шекарасы арқылы өткізілмеуіне байланысты шағымдар мен кикілжің жағдайларды болдырмау мақсатында шекарадан асуды жоспарлап отырған ҚР азаматтарының жеке басын куәландыратын құжаттарында ЖСН жазылмаса, ҚР-ның «Жеке басты куәландыратын құжаттар туралы» Заңының 7-бабындағы 2-бөліміне, сондай-ақ ҚР-ның «Сәйкестендіру нөмірлерінің ұлттық тізілімдемелері туралы» Заңының 13-бабындағы 3-бөліміне сәйкес олар жарамсыз болып танылады.  Осылайша, қалыптастырылған ЖСН жазылмаған құжаттарды ұсынған ҚР азаматтары Қазақстан Республикасының мемлекеттік шекарасынан өткізілмейді. Мұндай құжаттар ҚР-дың «Мемлекеттік шекара туралы» Заңындағы 66-баптың 9-бөліміне сәйкес тәркіленеді», - деп хабарлайды қауымдастық Шекара қызметінің хабарламасына сілтеме жасап. 

ҚТҚ Шекара қызметімен консультация өткізгенін хабарлады. Шамамен 2004 жылға дейін шығарылған ескі үлгідегі төлқұжаттарда беттің оң жағында төлқұжат иесінің жынысы көрсетілген жерде  ЖСН туралы ақпарат жоқ.

Бірақ та бұл ақпарат машинамен есептелген төмендегі жолдарда тегі, есімі, төлқұжат нөмірі, туған жылы кері тәртіппен жазылған, сондай-ақ жынысы, төлқұжаттың шығарылған күні және соңғы 12 сан - бұл қалыптастырылған ЖСН.

«Төлқұжаттың бірінші бетіндегі төмендегі машинамен есептелген жолдар бар ҚР азаматтарын Шекара қызметі әдеттегі тәртіппен жібереді. Қалыптастырылған ЖСН және машинамен есептелген жазулар (яғни ескі төлқұжаттарда) жоқ ҚР азаматтары мемлекеттік шекара арқылы өткізілмейді», деп хабарлады Қазақстанның туристік қауымдастығы. 

 

ҚазАқпарат

Хабарламаларға жазылу