Франциядағы тұрғын үйлердің бірінде жарылыс болды

23 сәуір күні Францияның солтүстігінде орналасқан Эр департаментіндегі тұрғын үйде жарылыс болды. Француз БАҚ-ның хабарлауынша, жарылыс газ шығуынан болған. 

BFMTV телеарнасы хабарлағандай, жарылыс салдарынан үш адам жарақат алып, біреуі үйінді астында қалған. Ал, тағы үш адамның жағдайы белгісіз.

Тұрғын үйдің 30 шақты тұрғыны қауіпсіз жерге көшірілді. Оқиға орнында бірнеше құтқарушылар тобы мен төрт тікұшақ жұмыс істеуде.