Жаңалықтарды Telegram арнамыздан оқыңыз!Назарларыңызға бүгін 34 жасқа толған Геннадий Головкин туралы әлем жұлдыздарының айтқан пікірлерін ұсынамыз.
Леннокс Льюис, ауыр салмақтағы әлемнің экс-чемпионы:
«Геннадий әлемдегі үздік үштікке кіретін боксшы. Олар – Мэйвезер, Уорд және Головкин».
Ронда Роузи, UFC чемпионы:
«Мен Головкин-Котто жекпе-жегін көргім келеді. Геннадий – менің досым, мен ылғи Геннадийға жанкүйермін. Сондай-ақ, оның кіші Мейвезерге қарсы жекпе-жек өткізгенін қалаймын».
Шугар Рэй Леонард, америкалық боксшы:
«Головкин – бұл күш. Егер, ол Коттоға қарсы жекпе-жек өткізсе, жанкүйерлерге нағыз сыйлық болар еді».
Адриан Гонсалез: америкалық танымал бейсбол ойыншысы:
«Хулио Сезар Чавес менің әр уақыттағы сүйікті боксшым болған. Ал, қазір маған Геннадий GGG Головкиннің боксы ұнайды. Ол – жақсы боксшы».
Сауль Альварес: WBC нұсқасы бойынша әлем чемпионы:
«Головкин – әлемнің үздік боксшысы. Алдағы уақытта онымен жекпе-жек өткізгім келеді».
Джим Лэмпли, HBO телеарнасының комментаторы:
«Геннадий Головкин Майк Тайсонға ұқсайтын жалғыз боксшы».
Кіші Рой Джонс, 4 салмақ бойынша кәсіпқой бокстан Әлем чемпионы:
«Геннадий Головкин бокстағы – «құбыжық». Ол орта салмақтағы - жас Майк Тайсон».
Андре Берто, орта салмақтағы әлемнің экс-чемпионы:
«Геннадийдің қолы – балға секілді. Қарсыластарын тек нокаутқа жіберуге арналған сияқты. Оның қарсыластары қанша жерден бетін жауып қорғанғанымен, бәрібір нокаутқа ұшырайды».
Кен Хершман, HBO президенті:
«Меніңше Геннадий Головкин бокс әлемінің жұлдызы. Геннадийде қазір барлық мүмкіндік бар. Біріншіден, ол өте мықты, екіншіден ол кез-келген боксшымен салмақ дәрежесіне қарамай жұдырықтасуға дайын».
Фредди Роуч, америкалық бапкер:
«Мен Головкин туралы жақсы сөздерді жиі естимін. Ол үздік боксшы бірақ, оның жекпе-жектерін көрмеппін. Оның (Геннадий) жекпе-жектеріне HBO телеарнасы қызығушылық танып, түсіріп жүр. Демек, ол әлемнің мықты боксшыларының бірі».
Владимир Кличко, украиналық боксшы:
«Меніңше Геннадий сияқты адам боксқа керек. Ол жеңіске өз күшімен жетіп жүр, ешқандай жасанды жеңісі жоқ. Оны жұрттың бәрі біледі. Бокс жанкүйерлері оны құрметтейді».
Роберт Гарсия, танымал америкалық бапкер:
«Мен Геннадийдің жанкүйерімін. Ол жуырда PPV жұлдызына айналады. Оған сенімдімін».
Геннадий Голвкиннің барлық жеңістерінің тізімін мына жерден көре аласыздар.
