Қазақстанның ипотекалық несиелерге кепілдік беру қорының жаңа басшысы тағайындалды - «Qazaqstan» Ұлттық телеарнасы

Қазақстанның ипотекалық несиелерге кепілдік беру қорының жаңа басшысы тағайындалды

04.04.2016
Қазақстанның ипотекалық несиелерге кепілдік беру қорының жаңа басшысы тағайындалды

Д. Оңаев «Іскерлік әкімшілеу және бухгалтерлік есепке алу» бағдарламасы бойынша Қазақстан менеджмент, экономика және болжамдау институтын (ҚМЭБИ), қаржы және инвестициялар саласындағы магистрлік бағдарлама бойынша Эдинбург Университетін (Эдинбург қ., Ұлыбритания) бітірген. 

Әр жылдары «ҚазМұнайГаз», «Қазкоммерцбанк», «Halyk Finance» АҚ-да жұмыс істеп, инвестициялық жобаларды және бірігулер мен қосып алулар бойынша мәмілерді (M&A) талдаумен, құрылыс, тасымалдау және логистика саласындағы ірі компанияларға несие беру, сондай-ақ жекеше компаниялардың бағалы қағаздары шығарылымын сүйемелдеу мәселелерімен айналысты.

Бұдан басқа,  «Самұрық-Қазына» АҚ-ның инвестициялық жобалар департаментінде жұмыс істеу тәжірибесі бар. Онда 2012 жылғы желтоқсандағы «ҚазТрансОйл» АҚ-ның акцияларын табысты алғашқы орналастыруды қоса алғанда, «Халықтық IPO» бағдарламасын іске асыруды үйлестіру мәселелеріне жауапты болады.   

2013 жылғы желтоқсан мен 2015 жылғы ақпан аралығындағы кезең ішінде «Бәйтерек» ҰБХ» АҚ Мемлекеттік-жекешелік әріптестік пен арнайы жобалар департаментінің директоры қызметін атқарды. 2015 жылғы ақпанда инвестициялық блокқа, сондай-ақ тікелей инвестициялар қорларын құру мен оларды өзара іс-қимылы мәселелеріне жетекшілік ететін «Қазына Капитал Менеджмент» АҚ басқарма төрағасының орынбасары лауазымына тағайындалды.

«Мемлекеттік-жекешелік әріптестік жобаларын сүйемелдеу орталығы» ЖШС Байқау кеңесін 2014 жылғы наурыздан, «Baiterek Venture Fund» АҚ-ның («Қазына Капитал Менеджмент» АҚ-ның еншілес ұйымы) Директорлар кеңесін – 2014 жылғы қыркүейектен бастап басқарады.

2015 жылғы маусымнан «Аллюр» компаниялар тобы» АҚ Директорлар кеңесінің мүшесі болып табылады, деп хабарлайды «Бәйтерек» Ұлттық басқарушы холдингі» акционерлік қоғамының баспасөз қызметі.

Хабарламаларға жазылу