Жаңалықтарды Telegram арнамыздан оқыңыз!Соңғы мәлімет бойынша 30 шақты адам қаза тауып, жүздеген адам жараланған.
Брюссельдегі елшіліктің ресми ақпараты бойынша қаза тапқандардың ішінде Қазақстан азаматтары жоқ.
Полиция қызметкерлері барлық жерді қоршауға алған. Әуежайға қатынайтын қоғамдық көліктің барлығы тоқтатылған. Брюссельге келетін, осы жақтан өзге елдерге шығатын әуе рейстерінің бәрі кейінге шегерілді.
Әуежайдағы жарылыс жергілікті уақытпен таңғы сағат 8-00-де ұшу залында болған. Америкаға ұшатын жолаушылар арасында тұрған жанкешті өзін-өзі жарып жіберген. Әртүрлі ақпарат бойынша 30 шақты адам қаза тауып, жүздеген адам жарақаттанған. Әуежайдан кейін бірнеше сағаттан кейін қаладағы екі метрода жарылыс болды.
Үкімет бұл оқтиғаларды ресми түрде теракт деп бағалап отыр. Азаматтарға мейлінше сақ болуды ескертілуде.
