Үндістанның оңтүстігінде қабыландардың көптеп жүруіне байланысты 100-ден астам мектеп жабылды - «Qazaqstan» Ұлттық телеарнасы

Үндістанның оңтүстігінде қабыландардың көптеп жүруіне байланысты 100-ден астам мектеп жабылды

11.02.2016
Үндістанның оңтүстігінде қабыландардың көптеп жүруіне байланысты 100-ден астам мектеп жабылды

Үндістанның Бангалор қаласының билігі қабыландардың келуінің жиілеп кетуіне байланысты 129 мектепте сабақтардың өтуіне тыйым салды. Бұл туралы полиция өкілдері хабарлады.

Құқық қорғау органдарының өкілдері де жергілікті тұрғындарға аса қажет болмаған жағдайда үйлерінен шықпауға кеңес берді.

Өткен жексенбіде қабыландардың бірі мектеп ауласына кіріп кетіп, адамдар оны арнайы дәрімен атып ұйықтатқанша, қабылан 6 адамды жарақаттады. Соңында қабылан ауланды, бірақ осы аймақта тағы екі қабыланның пайда болғандығы жөнінде хабар келіп түсті.

Құзырлы органдардың мәліметтері бойынша, Үндістанда бүгінде 14 мыңға жуық қабылан бар. Олардың адамдардың шаруашылық мақсатындағы жұмыстарының нәтижесінде өмір сүру алқаптары тарылып, қалаға жиі кіріп кететін болған.    

 

Хабарламаларға жазылу