Қазгидромет: Еліміздің аймақтарында күн суытады

Аномальды температура орнаған өткен демалыс күндерінен соң қыс мезгілінің ауа райы өзінің қалыпты деңгейіне келеді.

Оңтүстік-батыс тропосфералық ағымдар солтүстік ағымдармен алмасады. Осылайша, Қазақстанғы суық ағымдармен қатар, арктикадан да салқын леп есетін болады.  Яғни, алдағы үш тәулікте қар жауып, 500 метрге дейінгі арлықта ештеңе көрінбейтіндей бұрқасын  болады. Желдің күші секундына 15-25 метрге жетеді. Түнгі суықтар солтүстік, орталық және шығыстағы облыстарда - 23-30 градусқа дейін жетуі мүмкін.

Оңтүстік пен оңтүстік-шығыста жаңбыр жауып, арты қарға ұласады. Таулы аймақтарда қалың қар түсіп, тұман, көктайғақ болып, күн суыта түседі.