Қазгидромет: Қазақстанда күн жылынып келеді

Норвегия теңізінде қалыптасқан терең циклон шығысқа бет алып, Атлантикадан ылғалдылығы жоғары жылы ауа алып келді. 

Осы циклонмен байланысты жылы атмосфера ағымдары Қазақстан арқылы өтіп, елдің барлық аймағында қар жауып, батыстан күшті жел соғуына ықпал етеді. Ал, оңтүстік пен батыста көктайғақ болып, ауа температурасы біршама көтеріле түседі. 

Алдағы үш тәулікте температураның жылынуы климаттық нормадан 3-7 градусқа, елдің оңтүстігінде 8-12 градусқа жоғары болады, деп хабарлайды Қазгидромет.