Жаңалықтарды Telegram арнамыздан оқыңыз!Атлантикалық циклон Орал аумағына ойысты. Осыған байланысты жылы атмосфералық ағым қазірдің өзінде Қазақстанның батыс облыстарын кесіп өтіп, солтүстігіне жетті. Сондықтан да температура күндіз ғана емес, түнде де жылынып, кейбір жерлерде +3º-ке жетеді, бұл нормадан 5-10 градус жоғары.
24-26 желтоқсан күндері циклон Батыс Сібір аумағы арқылы шығысқа ауысады, оның атмосфералық ағындары әуелі жылы, одан кейін салқын болып, Қазақстан арқылы өтеді, соның салдарынан жапалақтап қар жауып, бұрқасындатады, көрінімнің нашарлауы 200-500 метрге дейін жетеді, кей жерлерде желдің екпіні 15-25 м/с-дейін күшейіп, көктайғақ болады.
Таяудағы тәуліктерде ауа температурасының нормадан 5-10º жоғары болуы сақталып, 26 желтоқсанға қарай төмендейді, дегенмен де осы кезеңде бұрынғыша климаттық көрсеткіштің жоғары болуы күтіледі.
