Ауа райы: Еліміздің басым аймағында күн ашық болады

Республиканың бүкіл аумағы ауқымды антициклон ықпалында болады, соған байланысты күн райы ашық болады, деп хабарлады ҚР ІІМ Төтенше жағдайлар комитеті.

Елдің шығысында ғана атмосфералық ағындардың өтуімен қар жауып, желдің күшеюі сақталады. Республиканың кей жерлерінде тұман түседі.

Шығыс Қазақстан облысында кей жерлерде тұман түседі, жолдарда көктайғақ болады, түнде желдің күші 15-20 м/с-қа дейін жетеді.

Жамбыл облысында кей жерлерде тұман түседі, желдің күші 15-20 м/с.

Ақмола, Оңтүстік Қазақстан, Қызылорда, Маңғыстау, Атырау, Қостанай, Қарағанды, түнде және таңертең Алматы, Солтүстік Қазақстан облыстарында кей жерлерде тұман түседі.