Жаңалықтарды Telegram арнамыздан оқыңыз!Жүздесу барысында екі ел арасындағы сауда-экономикалық ынтымақтастықты дамытудың жолдары талқыланды. Атап айтқанда, тараптар Қазақстан-Мысыр Іскерлік кеңесінің жаңа құрамын құру, Мысыр тарапының «ЭКСПО-2017» халықаралық мамандандырылған көрмесіне қатысу, Қазақстан бидайын Мысырға тасымалдауды жандандыру және алдағы уақытта Еуразиялық экономикалық одағы және Мысыр арасындағы еркін сауда туралы келісіміне қол қоюға қатысты мәселелерді қарастырды.
Б. Арын «ЭКСПО-2017» көрмесін өткізуге байланысты жүріп жатқан дайындық жұмыстары мен іс-шараға қатысу шарттары туралы толық ақпарат берді.
Өз кезегінде Т. Қабил алдағы көрме тақырыбының өзектілігін атап өтіп, Астанада өткізілетін «ЭКСПО-2017» көрмесіне Мысырдың қатысатындығын қуаттады, жуық арада МАР ұлттық секциясының комиссары тағайындалады деп сендірді.
Тараптар Қазақстан-Мысыр Іскерлік кеңесінің жаңа құрамын құру үдерісін жылдамдатуға және 2016 жылдың бірінші жартысында төртінші отырысын өткізу туралы уағдаласты, деп хабарлайды еліміздің Сыртқы істер министрлігі.
