Жаңалықтарды Telegram арнамыздан оқыңыз!Өндірісті өрге бастыратын инвестор табылғалы теңіз жағалауындағы халық арзан өнімді тұтына бастады. Олар қазір пайдаланып жүрген өнім бағасы сырттан тасымалданатын ұнмен салыстырғанда айтарлықтай төмен.
Қазіргі таңда элеватор тәулігіне 180 тонна бидай өңдеп, 150 тонна ұн дайындауға қауқарлы.
Сыр өңіріндегі жалғыз ұн өндіретін кәсіпорын бидайды Ақтөбеден алдырады. Дайын өнім әзірге тек Арал ауданында сатылуда. Кәсіпорын басшылығы болашақта нарық ауқымын одан әрі кеңейтуді көздеп отыр.
Комбинаттан шығатын 50 келілік 1 қап әлеуметтік ұнының бағасы – 2625 теңге. Мемлекет тарапынан бөлінген субсидия көмегімен өндірілетін ұн негізінен аудандағы 11 наубайхана мен әлеуметтік дүкендерге үлестіріліп берілуде.
«Базарға барып, бағаны салыстырып қарайтын болсақ, бізде көпшілігінде Қостанайдан келетін, Орал қаласынан шығатын ұн сатылады. Екеуінің бағасы – 4500-4800 теңгеден. Ал біз коммерциялық мақсатта шығаратын ұнымыздың бағасы – 3500 теңге»,-дейді кәсіпорынның тарату және сату бөлімінің басшысы Бертілеу Бөрібаев,
