Жаңалықтарды Telegram арнамыздан оқыңыз!Бокстан орта салмақтағы WBA (Super), IBO, WBC (Interim) және IBF тұжырымы бойынша Әлем чемпионы қазақстандық Геннадий Головкин Қазақстан Республикасының Президенті Нұрсұлтан Назарбаевтың құттықтау хатына алғыс білдірді.
Бұған дейін Мемлекет басшысы Геннадий Головкинге оның канадалық Давид Лемьеге қарсы жекпе-жектегі жеңісіне орай құттықтау жеделхатын жолдаған еді.
«Мен Қазақстанды жақсы көремін. Президент Назарбаев жолдаған құттықтау хатқа ризашылығым шексіз», - деп жазды Головкин ресми твиттер парақшасына. Сонымен қатар, қазақстандық боксшы ҚР Нью-Йорктегі Бас консулымен түскен суретін жариялады.
Еске сала кетейік, Геннадий Головкин канадалық Давид Лемьені 8-ші раундта техникалық нокаутпен ұтып, кәсіпқой рингтегі 34-ші жеңісіне қол жеткізді.
