Жаңалықтарды Telegram арнамыздан оқыңыз!7 қазанда еліміздің басым бөлігінде жауын-шашынсыз ауа райы сақталады. Тек батысында атмосфералық фронталды ауа бөліктерінің өтуіне байланысты кей жерлерде жаңбыр жауады. Кейбір жерлерде тұман күтіліп, жел күшейеді, деп хабарлайды «Қазгидромет» РМК.
Ақмола, Жамбыл, Қостанай, Павлодар, түнде Солтүстік Қазақстан, күндіз Қарағанды облыстарында желдің 15-20 м/с дейін күшеюі күтіледі. Атырау, Шығыс Қазақстан облыстарының кей жерлерінде түнде және таңертең тұман түседі.
Қызылорда облысында, Оңтүстік Қазақстан, Жамбыл, Батыс Қазақстан, Атырау, Қарағанды, Қостанай, Ақтөбе облыстарының кей жерлерінде өрт қаупі сақталады.
