Жаңалықтарды Telegram арнамыздан оқыңыз!2015 жылғы 19 қыркүйекте Астанада жалпы қалалық сенбілік өтеді. Астана қаласының Табиғи ресурстар және табиғат пайдалануды реттеу басқармасының мәліметінше, елордада 7 қыркүйек - 7 қазан аралығында «Біз таза қала үшін!» экологиялық айлық аясында әр сенбі сайын коммуналдық сенбіліктер ұйымдастырылады, ал жалпы қалалық сенбілік 19 қыркүйекке жоспарланып отыр.
Экологиялық айлық аясында қала аумағында санитарлық тазарту, абаттандыру және көгалдандыру, көшелерді тазалау, ағаш егу, арықтарды тазалау және т.б. жұмыстар жүргізіледі.
19 қыркүйекте өтетін ауқымды шараға 80 мыңға жуық адам қатысады, деп жоспарланып отыр. Атап айтқанда, 4000 кәсіпорын мен ұйым, 45 жоғары және арнайы орта оқу орны, 130 орта мектеп, 60 денсаулық сақтау мекемесі.
