Әсем Садықова ауыр атлетикадан Азия чемпионатында қола медаль ұтып алды

Ауыр атлетикадан Таиландта өтіп жатқан Азия чемпионатында Қазақстан құрамасы алғашқы жүлдесін иеленді. 58 келі салмақ дәрежесінде сынға түскен Әсем Садықова қос сайыста 217 (95+122) келі көтеріп, Азия құрлығының қола медальін жеңіп алды.

Тағы бір қазақстандық Сәуле Сәдуақасова жалпы 213 (96+117) келі көтеріп, 4-ші орынға тұрақтады.

Еске сала кетейік, Таиландтағы Азия чемпионаты 3 қыркүйек күні басталған. Қазақстан Ұлттық құрамасының мүшелері турнирге кешеден бері араласты.

Енді бүгін жарыс жолына Александр Ким (69 келі) мен Фаина Сиванбаева (63 келі) шығады.