Елдос Сметов Әлем рейтингінде бірінші орынға шықты - «Qazaqstan» Ұлттық телеарнасы

Елдос Сметов Әлем рейтингінде бірінші орынға шықты

01.09.2015
Елдос Сметов Әлем рейтингінде бірінші орынға шықты

Е.Сметов Әлем чемпионы атанған соң 900 ұпай жинап, рейтингтің көшін бастады. Оның қоржынында жалпы – 2162 ұпай бар. Әлем чемпионатының күміс жүлдегері Рустам Ибраев 1408 ұпаймен жетінші орында келеді.

66 келідегі Елдос Жұмаханов Әлем чемпионатында 180 ұпай жинап, (жалпы ұпайы 702 ) қазір 23-сатыда. Жансай Смағұлов Әлем біріншілігіне қатыспасада 26-орында келеді.

73 келідегі Дастан Ықыбаев Әлем чемпионатында 4 ұпай жинады.  Сөйтіп, жалпы есепте 72 ұпаймен 40-орында келеді. 72 ұпайы бар 81 келідегі Азиз Қалқаманұлы 57-сатыда. 90 келідегі Ислам Бозбаев Әлем чемпионатында 72 ұпай жинап, 34-орынға көтерілді. Оның қоржынында жалпы – 506 ұпай бар.

100 келідегі Максим Раков 1452 ұпаймен 10-орнын сақтап қалды. Ол – Әлем чемпионатында 72 ұпай жинаған. Ал, ауыр сал мақтағы Ержан Шынкеев 4 ұпай жинап, (жалпы – 331 ұпай) 46-орынға жайғасты.

Еске сала кетейік, Дзюдодан Әлем чемпионатында Қазақстан Ұлттық құрамасы бір алтын, бір күміс медаль иеленді.

Хабарламаларға жазылу