«Air Astana» EXPO-2017 көрмесінің ресми әуетасымалдаушы мәртебесін иеленді

Бүгін Астанада «Астана EXPO-2017» ҰК» АҚ Қазақстандағы ең ірі әуетасымалдаушы «Air Astana» АҚ-мен ынтымақтастық туралы меморандум жасасты. Компания «EXPO-2017 көрмесінің ресми әуетасымалдаушысы» деген мәртебеге ие болды.

Салтанатты қол қою рәсіміне «Астана EXPO-2017» ҰК Басқарма төрағасы Ахметжан Есімов және «Air Astana» әуекомпаниясының президенті Питер Фостер қатысты.

Қол қойылған меморандум аясында expo2017astana.com веб-сайтына автоматтандырылған брондау жүйесі енгізілмек және PR-науқанды бірлесе өткізу жоспарланып отыр.