«Жас Ұлан» республикалық мектебіне биыл жеткіншектер жаңа қағидалар бойынша қабылданады

Армия генералы Сағадат Нұрмағамбетов атындағы «Жас Ұлан» республикалық мектебі биылғы жылы тәрбиеленушілерді қабылдауды жаңа ережелер бойынша жүзеге асырады.

Енді әскери мектепке жалпы білім беретін мектептің 9 сыныбын бітірген және негізгі орта білімі туралы куәлік алған жеткіншектер оқуға түсе алады.

«Жас Ұлан» мектебіне түсу үшін жасөспірімдерге кәсіби-психологиялық іріктеуден, дене даярлығы тексерісі мен медициналық куәландырылудан өту қажет.

Мұнда үш кезең мен негізгі орта білімі туралы куәліктің орташа ұпайы нәтижелеріне сәйкес, қабылдау комиссиясы оқуға қабылдау немесе бас тарту туралы шешім қабылдайды.

Соңғы кезең - байқау іріктеуі 10 тамызда Астанада өтеді.