Қазақстанның армия құрамасы ТМД елдері арасында өткен әскери-спорт ойындарында 3-ші орын иеленді

Мәскеуде өткен ТМД елдері арасындағы І әскери-спорт ойындарында Қазақстан армиясының құрама командасы 3-ші орын жеңіп алды.

Қазақстандық әскерилер барлығы 47 жүлде, атап айтсақ – 7 алтын, 16 күміс және 24 қола медаль жеңіп алды.

Алғашқы әскери-спорт ойындарында Қазақстанның атынан ҚР ҚМ Армияның орталық спорт клубының атақты әскери спортшылары шықты.

Суда жүзу, дзюдо, қоян-қолтық күрес, кір спорты, офицерлік үшсайыс және штаттық қарудан оқ ату бойынша сайысқа түскен біздің сарбаздар жүлделі орындарды жеңіп алды.

Бірінші орынды Ресей атлеттері, ал екінші орынды – Беларусь армиясының құрамасы жеңіп алды. Жарысқа алты елден барлығы 300-ден астам әскери қызметші қатысты.

Фото: mod.gov.kz