Аренада бірнеше спорт түрлерінен (халықаралық жарыс және хоккей мен баскетбол) ойындар өтеді. Кешен XIX ғасыр аяғында қазіргі Нью Йорктің Мэдисон Сквер көшесінің солтүстік-шығысында салынып, АҚШ-тың төртінші президенті Джеймс Мэдисон құрметіне атау берілген.
«Мэдисон Сквер Гарден» құрылғалы бері үш рет жөндеуден өткен (1890, 1925, 1968 ж.ж). Жыл сайын аренада шамамен 320 түрлі іс-шаралар өтеді. «Мэдисон Сквер Гарден» — «Нью-Йорк Рейнджерс» хоккей (НХЛ), «Нью-Йорк Никс» баскетбол (НБА), «Нью-Йорк Либерти» (WNBA) командаларының аренасы. Аренада 1994 жылы НХЛ (хоккей) жұлдыздарының, 1998 жылы НБА (баскетбол) жұлдыздарының барлық матчтары өткен.
«Мэдисон Сквер Гарден» аренасында кәсіпқой боксшылардың Әлем Чемпионы үшін титулды жекпе-жектері өтеді. Бұл аренада аты аңызға айналған Мұхаммед Али, Джо Фрейзер, Майк Тайсон, Рой Джонс секілді боксшылар жұдырықтасқан.
Сондай-ақ, Геннадий Головкиннің екі жекпе-жегі «Мэдисон Сквер Гарден» аренасында өткен. Геннадий Головкин бірінші кездесуінде Кертис Стивенспен жұдырқтасса, аренадағы екінші жекпе-жегін Дэниэл Гилге қарсы өткізген.