Жаңалықтарды Telegram арнамыздан оқыңыз!Астанада Есіл өзенінде кеме жүзу маусымы ашылды. Маусым 2015 жылғы 15 мамырдан 25 қазанға дейін жалғасады. Тұрғындарға алты жолаушылар кемесі қызмет көрсетеді.
Жолаушыларды кемеге отырғызу мен шығару Кенесары ескерткіші жанындағы айлақта жүргізіледі. Маршруттың жалпы ұзындығы - 18,8 шақырым.
Кеме қозғалысы шеңбер бойымен төменде көрсетілген бағыттар бойынша жүргізіледі:
Кенесары ескерткіші – «Radisson» қонақ үйі – «Шұбар» ықшам ауданы – «Жыл мезгілдері» саябағы – Кенесары ескерткіші.
Тасымалдау шараларын Астана қаласының әкімдігі Жолаушылар көлігі және автомобиль жолдары басқармасының «Есіл-Астана» МҚКК жүзеге асырады.
