Жаңалықтарды Telegram арнамыздан оқыңыз!Бүгін хоккейден Қазақстан Ұлттық құрамасы турнирдегі төртінші кездесуін алаң иелері Польша құрамасына қарсы өткізеді. Ойынды «KAZsport» телеарнасы тікелей эфирде Астана уақытымен 23:50-де көрсетеді.
Айта кетейік, кеше Қазақстан Ұлттық құрамасы Жапония хоккейшілерін 7:2 есебімен ұтып, турнирдегі үшінші жеңісіне қол жеткізді. Ал осыған дейін Қазақстан Ұлттық құрамасы Украина хоккейшілерін 5:2 есебімен ұтса, Венгрия құрамасын 5:0 есебімен жеңді. Осылайша Қазақстан хоккейшілері 9 ұпаймен өз тобында бірінші орында тұр.
Қазақстан Ұлттық құрамасының барлық ойынын «KAZsport» телеарнасы тікелей эфирде көрсетуде. Ертең Қазақстан Ұлттық құрамасының турнирдегі соңғы ойынын Италия хоккейшілерімен өткізеді. Матчты тікелей эфирде 20:20-де тамашалай аласыздар.
