Жаңалықтарды Telegram арнамыздан оқыңыз!20 сәуірде «Қазақстан темір жолы» АҚ басшысы Асқар Мамин «Российские железные дороги» АҚ басшысы Владимир Якунинмен кездесіп, Мәскеу-Бейжің бағытындағы жоғары жылдамдықтағы теміржол магистралін салу туралы келіссөздер жүргізбек, деп хабарлайды РИА Новости.
Әзірге магистральдің екі бағыты қарастырығлған. Біреуі – Қазақстан, ал екіншісі – Алтай арқылы.
«Менде 20 сәуірге Владимир Якунинмен кездесу жоспарланған. Біз Мәскеу-Бейжің бағытындағы жоғары жылдамдықтағы теміржол магистралін салу жобасын талқылаймыз. Магистральдің бағдары қалай жасалып, Қазақстан арқылы қалай өтетінін қарастырамыз», - деді Асқар Мамин.
Келіссөздер барысында алып инфрақұрылымдық жобаның қаржыландыру көздері мен көлемі, іске қосылу кезеңдері де талқыланбақ.
