Өндірісті өркендету үшін «экономикалық патриотизм» қажет - «Qazaqstan» Ұлттық телеарнасы

Өндірісті өркендету үшін «экономикалық патриотизм» қажет

26.11.2015
Өндірісті өркендету  үшін  «экономикалық патриотизм»  қажет
Өндірісті өркендету  үшін  «экономикалық патриотизм»  қажет

Қазақстандық үлесті қамту бойынша үкімет биылғы жоспарды орындай алды. Бұл мәселені Астанада өткен семинар-кеңесте инвестициялар және даму вице-министрі Альберт Рау көтерді. Вице-министр өнеркәсіптің өркендеуі үшін түрлі зауыттардың қажет өнімдерді отандық өндірушілерден алғанын құп көреді.

Мысалы тек биыл цемент сатып алу бойынша қазақстандық мазмұн 105 пайызға өссе, арматура өнімдерін сатып алу 500 мың тоннадан 800 мың тоннаға дейін артқан. Ресей кәсіпорындары ұсынған арзан бағаға жүгірмей, өз өндірушілерімізді қолдау басты міндет.

Дегенмен «экономикалық патриотизм» қағидасын ұмытып кететін кәсіпорындарда кездеседі. Мысалы \"АрселорМитталТемиртау\" компаниясы Астанадағы «Экспо-2017» көрмесінің құрылысына Ресейден сатып алынған тауарларды тартқан. «Отандық зауыттардың жұмысын тоқтатпаудың жолдарын іздеп жатқан тұста, бұл дұрыс емес»,- деп түйіндеді сөзін вице министр. Үкімет Қазақстандық мазмұнды қамтуды одан әрі күшейтпек. Айта кету керек, бүгін Астанада отандық тауар өндірушілер мен жер қойнауын пайдаланушылардың семинар-кеңесі өтті. Онда құны 14 миллиард теңге болатын 26 ұзақмерзімді келісімге қол жеткізілді.


Kaznews.kaztrk.kz

Хабарламаларға жазылу