Жаңалықтарды Telegram арнамыздан оқыңыз!18-24 қыркүйек аралығында Пермде «Флаэртиана» халықаралық деректі фильмдер фестивалі өтеді. Конкурсқа деректі фильмнің негізін қалаушылардың бірі – Роберт Флаэртидің эстетикасын дамытуды көздеген әлемнің кез келген елінде дайындалған туындылар қабылданады.
Фестиваль бағдарламасы аясында конкурстан тыс тақырыптық кино көрсетілімдер, теориялық пікір-таластар, семинарлар өткізіледі.
Айта кету керек, байқауға 2014 жылдың 1 қаңтарына дейін түсіріліп болған фильмдер ғана таңдалады. Сондай-ақ, ағылшынша титры болуы маңызды.
Конкурстың Гран-при жүлдесі – «Большой Золотой Нанук». Сондай-ақ, «Жаңа тақырыптар мен жаңа кейіпкерлерді ашқаны үшін», «Үздік көркем шешім» жүлделері тағайындалған.
Өтініштер 15 наурызға дейін қабылданады.
